طار الحمام ... !!
طب يالاة نام
واحلم وقولي
بسرعة اوام
قولنا اخبار
الصفقه ايه
ومين تاني
مادد ايدية
ايشي نيوم ...
وايش فتح الحدود
لليهود والامريكان
ومين فتح بلادة
سداح مداح
وعمل معابد لليهود
تحت مسمي
قال ايه ... سلام
ماخلاص ...
طار الحمام
وانكسر غصن الزيتون
وغيم في سمانا
كلها ... النهاردة بوم
طب احلم وقولي
امتي هايجي علينا يوم
امتي هانصحي
من أعز نوم
ويرجع يرفرف
في بلادنا الحمام
اوعي تقولي ...
اني باحلم كمان
وان الشياطين
عربدت واتمكنت
وخلاص مبقاش
فيه ملايكه سلام
او أننا ...
هانفضل مقهورين
نسمع كلام
مفروض علينا
م العم سام
شعر : احمد المرشدى
ليست هناك تعليقات:
إرسال تعليق