(.. كلب الهانم..)٣٩٧
ابدا والله ماعضيته
ده. انا جريت منه و نطيطه
مفيش خطوه .انا.. وعديته
لكن هو الكلب ماسبني
ابن الكلب ام راح جابني
وراح قارم ...وبنابه خارم
وغرس نابه صابني..و. نابني
وراح واخد من جتتي. حته
وطولها بالسنتي تيجي سته
وادي رجلي ..
.ده كلب.. كان عاوز اجلي
كنت ماشي سارح وف حالي
وانا هاحكي ....وبحاذفيره
البيه كان هناك واقف بغفيره
وماسك ف يده ..لصباع محشي
ودخانه راكب لزفيره
اشي دخانه جايه من بوقه
وزعبوبه سحاب من مناخيره
ماسك المحروس من جنزيره
وقال للكلب ...عايز منده
قام زايم ومعلي نفيره
وانا مرعوب وقولت جاااي
يمكن اقدر ع تحذيره
لكن سابه بيجيب داغي....
ويصفر له وكمان ويلاغي
وانا نازل لطم ع صداغي
جاااااي.....
وهو الضحكه قهقه مفشوخه
وخدوده حمره و منفوخه
وبتتهز. وبتلظلظ
وانا الدنيا معايا ملبوخه
مسكتني الرعشة و بترزرز
ومن خوفي
الدنيا اسودت.م الدوخه
ودي اقوالي..... وعايز حقي
وانا لاشتمت.
ولاخرجت العيبه من بقي
عايز حقي
ولو مجاش لااروح ع الوالي
واحكيله..كل ال جرالي
...وعايز حقي
لازيد كلمه ولافيها ناقص..
.حاكم انا يابيه.واد.. دقي
اخرص!!.
.حاضر وبقول طيب
روحت انا لامم وكله قريب
انت عارف ده كلب مين!!!.
انت اكيد ماحاسس ولاشامم واكيد برضه اكيد مش فاهم
سمعني آمين
اكتم. يابني.ده كلب الهانم
وبيدرب ...ازاي يعض البني آدمين...وكده عدك
ويابخته ال ليه ..يجرح
وانت كده بيه بتشهر....وده مين قدك
ده من حظك ان يكون الكلب ده عضك
لكن انت ياواد محظوظ
ولا زم تفرح...وتزيد الفرحه
وأصلب طولك عملي عجوز
واكيد مامتك كانت صالحه ودعيالك .واكيد. ولاده
يعني انت دلوقتي بني. ادم .
.وده م الكلب اعلي شهاده
.......مبروووووك!!!
ليست هناك تعليقات:
إرسال تعليق