(..صعلوك..)٣٩٣
انا الصعلوك
انا ال عايش ع الهامش
ومش مملوك
لكن عايش ومش عايش
ماحيلتي صكوك
ضربها قول متين صرمه
طاير قرشي تقول مكوك
عل يجي. لميت جزمه
و براحته. شروق
وضربها. ضرب. بالآيش
لكن عايش
وف الغرز ومش معكوك
وسحتوتي عادي مايفرق
ولامخيول ولا مربوك
هاجر جيبي وركبه عناد
ما بيعيش. مع مخلوق
وملوش لازمه
ولا ملكني ولا انا مملوك
وعنطوز ومتعنطز
وعايش م الهوي بفنطز
ولو نايم. من غير لقمه
ولا يفرق ولا ازمه
واكون لابس ومشيك
وضابط العود ومسيك
ومزاجي فل وكمنجه
ومتأيف وع السنجه
وجيبي بيشتكي مني
ولا يهمش
بيشكر. فيا مايذمش
ماكان صاحب لكام حزمه
وكام تكه. ومسك فكه
وكان شايل. لميت رزمه
ومأستك
صحيح ايام بيتفستك
لكن عايش
واهي عيشه ومتقمع
وكاوي كمان ومتلمع
وصيتي ف السما مسمع
لكن غاوي ..ولايهمش
مصيبه. دي ولا بلاوي
حكيم عايش حافظ درسي
وفوق الدنيا. كان.. ضرسي
ولا هاممني .....
فاهم نفسي وفاهمني
وترسي زي ما ترسي
بدام عايش
ولافف ف الحياه ترسي
ولماانوي حساب نفسي
والوم واللومه من جوه
اشوفلك ع الحياه نصره
ياواد اعقل ياواد انسي
وعشش وكفاياك حصره
ياواد بكره. كان امبارح
وشبه بعضه وبقي بصره
ياواد. نفسي افرح بيك
واجيب ..مزيكا ..وربابه
وواد يكبر.... يقول بابا
واشوفك. رب للاسره
ياواد...اعقل...
وتاتا خطي للعثره..
ليست هناك تعليقات:
إرسال تعليق