أفْضَلْ رَدْ
أفْضَلْ رَدْ على الحــــــــــاقدين
نـــــــــــاكْرين فَضل المصريين
اللـى زمــــــــــان كُنا بنحسبهم
زى بقية البَنى آدْمــــــــــــــــين
أفْضَلْ رَدْ نكـــــــــــــون واعيين
ومــانِغْلَطْشِ فى جِنس وديــــن
أصلها مهما ان كــــــــــانت قِله
بيئَه وجَهَلَه ومش فــــــــاهمين
اللى بيكرَه مصر أنــــــــــــــانى
عنده ضمور وقصور وِجــــدَانى
والمَفروض على وَجــه السُرعـه
يِفْحَص عَقلُه طبيب نفسانــــى
مصر الــذوق والسيرَه العَطِــرَه
يـــــــاللى كارِهها حالْتَكْ خَطِرَه
اللى بيفهَم عُمرُه مـــــــــــايكْرَه
مصر حَبيبة الناس بـِــــــالفِطرَه
إسأل يــــــــــابنى جدودَك عَنْها
إسأل واعرَف ايـــــــــــه مَعْدَنها
دى اللى الطيبَه اتــــزَرَعِت فيها
واللـــــــى اتْخَلَق الصَبر عشانها
مصر فـــــــ عِــــــــز تَعَبْها عَفيه
مصر بنَبض شبابها قَويَـــــــــــه
شوف كـــــــــام عادى مَر عليها
ورَحَـــــــل العادى وفِضلِت هىَّ
وقت ماكــــــات بَلَدَكْ مَهجورَه
ولاكــــان ليها لاصوت ولاصورَه
كـــــــان فيه مصر اللى بيكْفيها
إنها فى القُرآن مَذْكــــــــــــــورَه
أُم الدُنيا ولَـــــــــــو مِش بينْكُم
ولا كـــــــان حَد حَ يسمَع عَنْكُم
اللى ادتكم وقت حـــــــــاجتكم
بتعايـــــــــروها ان أخدت مِنْكُم
مصر حضارَه مصر تــــــــــاريخ
شابَــــه ح تِفضَل مِش ح تْشِيخ
وبفضلَها قَرْ اللــــــــــــى اتقَدِم
واللى فـــــ يــــــوم طِلِع المَريخ
واهِم يـــــــــــاللى يغُرَّك ذوقْها
مصر تسوق ولاحَــــــدْ يسوقْها
حتى ان تِعبت أويــــــوم وِقْعِت
فـــــــوق الكُـــل مَحَدِشْ فوقْها
سامى النويهى
ليست هناك تعليقات:
إرسال تعليق