(انشراح..)٣٢٤
نادي يابت شيخ الغفر
وافقعي بكام صوت
يجري علينا كام نفر
بلغيهم جوعنا موت
ولو سألونا يابت مالكم
قولي يابت بلعنا حوت
وقولي.. ان الجيب كفر
ونفسي اقول للفقر فوت
قولي ..بس ااقول لمين
اوفتي اشتاقت طحين
وفرني يستاهل للولعه
وايامي..... بقت عجين
ولا اقولك !!
...........سيبيني اقول
هما يعني ما يدروا بينا
ولا .يعني.... من المغول
ده احنا..مشاركين الحمار
يجي ف نص.اردب..فول
اسكتي يامه سبيني اعيط
انا هاقول ياامي وهاصوت
ولما اقول انامش هاغوط
ولو شيخ الغفر كشر بجد
وكلامي ماعجبه... ومالد
هالف كلامي وليه احوط
اوعي يابت يشدوكي شد
حطي خط ...والف حد
عدي كلامك كلمه كلمه
واصحي.لاتوهي ف العد
اوعي يابت الباب يتسد
يا بنتي الكلام شحيح
كله ..هري علي مديح
كله فش ومفهش جد
اتفقنا.... ياانشراح
ابدأي يله الصياح
صوتي ع ال احنا فيه
وانا أصوت ع ال راح
يالهويييييييييي...يالهويييييييييي
ليست هناك تعليقات:
إرسال تعليق