آش باغي تغير***
آش غادي في بلادي تغير
لسان طويل ولفم مسندر
ولد لحصيرة شبع ؤ عنكر
بل بغى يردنا ولبلاد بورديل
الرضائية والفساد عقلو هزيل
واكل تبيخا وبداه الزهايمر
اش باغي في بلادي تغير
غير غ دواخلك ولكبثك طهر
فالقبح ودم الزنا في دمك مفور
كي درتي ليها زعما يا لمجحوم
اش بنا ليك بهايم وانت مفصوم
كما حويط صغير خمم ؤشور
بالعزة والكرامة عاهدنا الله وبصمنا
لا حق للنمرود باش بتكلاخو يوسخنا
يطبق الأجندات مسدود مطرطر
تلاح اصاحبي تلاح
راك وليتي كلب نباح
ؤ تلاصق نتا وهلك وتبندر
فرنس حيت قليل الهمة
ضربو الله حسن منو بكمة
صياد النعامة خاصو بالشريط يتجرجر
النقص اصاحبي ؤ ما يدير
ولاد الزها ونصصات ليل
المثلية والفردية هبيل ولوجه مقصدر
لو كان بعقلو ما يعوي ما يترامى
على دين لعباد ونواهي مولانا
دعاة الفاحشة والقيمة زبالة...
فاسمع أسي البهلوان فهم وفكر
فساد تربية لكوري والمخ حفا
العفة طهر ماشي تعدد وحرفة
عور غادي والرجم سرك فزكا
تحريض على المعصية والخبث فيك مكركر
فنوض اولد بلادي صون اهلك وولادك
دعاة الفاحشة داعوا ؤ ما كانت على بالك
شتوا لبيوت ها الخيانة ها لغدر
كون سبع لا تكون بومة
لا تقيس عزة الناس فحشومة
دير طريقك معقول وعلى الذياب كركر
اش غادي تغير
بلادي هاذي ونت بغتيها نار وجمر
تلاح فمن المغربي الحر ما عندك ما تصور
فاغبر
بل خوي واندثر
ما عنداك لاش تصلاح
جامي لبغاء كان للتمدن مفتاح
بل الوعي والنضج والضمير محرر
آش باغي تغير
الشاعر والزجال: احمد الكندودي *** المغرب ***
ليست هناك تعليقات:
إرسال تعليق