( ارضي. )٣٢٢
الارض دي ارضي
ودفي شمسك ده بتاعي
حتي برد ..الشتاء بردي
ورملك.انا كابشه بدراعي
وصوت الرعد انا حافظه
وحافظه نوته ..وسماعي
ازاي اغيب وتطول غيبتي
قلولي بس يا حبيبتي
يعني مش هاكون ضيفك
ولا في فرحك اكون. داعي
كيفيك....
بس اعلمي اني
بأني كبرت عن سني
واليوم سنه ف هجرك
عاشق صوت
حشرجه صدرك
حافظ مكان حجرك
عادد حتي لرصيفك
عاشق بزوغ فجرك
ماانت جنتي فيك
بكل حلوها .بغدرك
لو ليا حق انا مسامحك
لجل السمره ف ملامحك
في شراييني ماشي نيلك
وكام حبايه من قمحك
عاشق لدفايرك. السمره
وهي مزينه ضهرك
قوليلي بس ياسمره
مين يقدر ع مهرك
جوايه كتير لو ابوحلك
اقول فيك كتير وكتير
ف عيونك وفي كحلك
ولحيفان رمل عليك اغير
كلفتيني في ترابك
وبعد المطر مايزورك
امنيه اتحني من وحلك
واكون مرضي..
ماهو.اصله تراب ارضي !!
ياسمره.بس انت يوم ارضي
ولو من كفك نصيبي شوك
انا راضي وبيه مرضي
امشي وخطي بقي ومدي
مسير الشده..هاتعدي
بدعي ف يومي وف فرضي
اشوف فيك. يوم سعدي
يخبط مره علي بابي
واقري منك ...لجوابي
يحن عليه ..ويطبطب
واودع ليوم بعدي
شده وهاتعدي
ليست هناك تعليقات:
إرسال تعليق