. ( لساك بتتلفت.)٣١٩
ياواد امشي وماتتلفت
ياواد عينك خلاص خفت
يدوب سهمها صاحبك
برمش وعين وليك لفت
صحيح عودها ياواد طارح
وطيفها جرئ ياواد صارح
وايه جالك من دي النظره
وتشكي منمتش امبارح
ياواد خطواتها معدوده
تقول ع الرتم مشدوده
وصوت مهره بتطوح
تخلي الجته مهدوده
ياواد ارجع.. وودعها
بنظره عين تتبعها
ولو قالت ليك كلمه
ايه تعمل لما تسمعها
ياواد مالها لو عليك مالت
لا جابت ورد ولا شالت
ده كل ال حصل نظره
ولا شاورت وليك قالت
ياواد رسمت ليها صوره
جميله من خيالاتك
وهي لا زارتك مره
ولا خطرت ولا جاتك
ياواد امسك ده الخيال فالت
وسيبت الخطوه ...اتعالت
ومتمرجح ...بين خيارين
مفيش ليهم اكيد تالت
ليست هناك تعليقات:
إرسال تعليق