#حافظ ومش#فاهم#
—————————
حافظ ومش فاهم …
قال إيه بيسمع رنة الإبرة ودبة النملة
وفي عز الضلمة يقولك شاف
حافظ ومش فاهم …
قال كان ممكن يلعبها بشماله
ويجيب جون ويهجم على الحارس فيخاف
حافظ ومش فاهم …
إن الأقدار مكتوبة ..
ومش فارق إنك تتخبى جوه الحلم
وسهل عليك تتهم الواقع بالإتلاف
حافظ ومش فاهم…
إن مصيرك مرهون ..
وان الصدق ضروري يمزّع توب الكدب اللفاف
حافظ ومش فاهم …
إن دموعك السخنة ويّ نحيبك
تمثيل هابط مفضوح مع أي خلاف
حافظ ومش فاهم …
إن العمر مهما يطول ..ها يطول كام .!؟
و نرجع ننداس ما فارق تحت التراب أمير من كلاف
حافظ ومش فاهم …
إنها بدايتها تراب رايح لتراب من بعده حساب
وإن ظلمات الظلم ركبه فوق الاكتاف
حافظ ومش فاهم …
إنها موصوفة منذ ميلادك وحتى مماتك
حياتك تعيشها في غنى …
أو من حظك تعيشها كفاف
حافظ ومش فاهم …
إنه ياويله لو بقى طول عمره على دا الحال
فاهم إنه فاهم و مش فاهم إن كل سنينه عجاف
حافظ ومش فاهم
إنه طوفان محتاج مركب نوح
وإنها دنيا رجاء كل عاقل نخرج منها خفاف
حافظ ومش فاهم حافظ ومش فاهم
#مصطفى #عبدالرحيم #الفرا
ليست هناك تعليقات:
إرسال تعليق