شعر فكاهي ( أه يا قلبي . أه يا سناني)
..
آه يا سناني .. آه ياسناني
طول الليل من ضرسي باعاني
..
و لقيت نفسي في المستشفى
دكتوره أموره راحت كاشفه
..
فجأه نسيت وجعي وباتنح
ولقيت قلبي داخ واترنح
..
شفت عينيها وقلت (الله)
قلت أنا قصدي أقول الآه
..
ده انتي عيونك بنج طبيعي
نفسي أضيع وياكي وتضيعي
..
قالت إفتح ياللا في بوقك
هاضرب فيك الحقنه واشوكك
..
قلت لها شكي يا دكتوره
أه يا حلوه يا مزه يا أموره
..
أنا باحلم أفرح واتشخلع
ولقيتها في ضرسي راحت تخلع
..
راحت ماسكاني.. بالعافيه
إيدها طريه وناعمه ودافيه
..
قالت باين انك موكوس
وكل سنانك مليانه سوس
..
ده انا قلبي بحبك مهووس
و انا عاوز أحضن وأبوس
..
هتعيشي معايا متهنيه
يا جميله يا نبع الحنيه
..
دي شفايفك حتة بسبوسه
أنا نفسي اخد .. منها بوسه
..
فجاه صحيت على صرخه قويه
خلعت ضرسي . المفتريه
..
أنا رحت ماسك فيها جامد
قالت لي بالراحه يا خالد
..
خالد محمد
ليست هناك تعليقات:
إرسال تعليق