موشش!
وبطل دش ماتوشش
راعي لربك وما تغشش
لسانك عمره ما صانك
حمار في نجيلة ماتحشش
تبخ السم في عقولنا
صـابح بتنم وبتنولنا
يا عم وفر بقى دشك
شبعنا كدب ماترشش
تخوفنا من أمنا الغولة
وكام لبة ومية فولة
مفيش قولة ومعدولة
ياريت كدبك بقى تكشش
لو قلت الصوابع خمسة
يصيبنا الشك مية همسة
وبتكـدب كدب سبق بكرة
وبيتك قش من لمسة
روح جحرك بقى وعشش
خلاص سممت أفكارنا
وبنستغفر في أذكارنا
نشوفك تزيد في أوزارنا
مواصل سكر ومحشش
كفاية تعبنا من كدبك
زهقنا طهقنا من ندبك
يا عم توب بقى وارجع
وقول الناس ده بيأشش
روح دحرج بعيد نفسك
ده كل اللي في سلتك مشش
وقـفصك اللي فيه معطوب
وع الوش وبتوشش
واضح كدبك صبح باين
لسان يشهد عليك خاين
عديم النخوة ومفشش
خربت ديارنا ومداين
يا شيخ ادارى وارحمنا
بقى الغالي عليك هاين
ونفسك بعديها نفسك
وحتى العرض مش صاين
إيه نوعك وتصنيفك؟
كبيرك لو تكون كاين!
ليست هناك تعليقات:
إرسال تعليق