سكوت! ٢٠٧
نزلوا الواد يمثل
على مسرح الجريمة
حضروا لي ألف مخرج
أنا عايز شغل سيما
يعني منتچ عند حبيبتي
والبداية محبكيش
واقطعوا "أنا متيم"
والبداية "معرفش أعيش"
يعني عايز كل قوله
في الهوى ويكون مفيش
يعني لو قال "أنتِ روحي"
خلوا كلمة "روحي" بس
بمعنى "امشي" وحرفوا
يعني قولوا كان طاردها
ونوروا لهلوبوها وعرفوا
وقطّعوا ولزّقوا
ربطوا وحزقوا
المهم اتصرفوا
كل جملة مزعوها.. ومزقوا
بلبسوها واطمسوها
طلعوا لعينين أبوها.
فرغوها مرمغوها واعزقوا
نعكشوا شعره وطولوه
علموا بعلامة وشه
سكتوا حروف وقولوا
نقطونا سكوت ووشه
واكتبوا: المذكور معادي
ودللوا بأي "عادي"
واكتبوا عنوان إقامته
إنه ساكن بالمعادي
والتتر يبقى شغل سيما
يعني تبقى موسيقى صارخة
شاذة جادة عليها قيمة
قطعوه كام ألف شارخة
وصوروا إنه كبر وخاب
ولقطة من الجنب اليمين
ولقطة من الجنب الشمال
ارسموا وش شيطان
وطلعوا له ألف ناب
واكتبوا تحت صورته:
"هو من دلوقتي تاب"
بطل يقول الشعر فيكي
وإنه نادم وإنه عاب
وإن خلاص نافوخه راح
وإنه عن الوعي غاب
وإن دلوقتي مفيش
وإن بين إيدينا داب
والكلام للكل حلقة
للحبل لسانه ساب
يلا كاميرا.. خلاص سكوت
هانصور مشهد لموت..
أكشن!!!!
ليست هناك تعليقات:
إرسال تعليق