عِفّة! ٢٠٤
سِتر الشتا لجمال غطاه.. بكام لفة؟
لفلف لغصن البان واتحشمت خِفة
وكل لون اختفى.. كله بلونه اكتفى
وبتستره الملحفة.. منهم لون الشفة
قلبت لحشمة سهو.. واتقلبت الدفة
قال الجمال يارب إن كنت ع الحافة
وكنت بحبي يدوب.. لا. كنت بتكفي
أملي ستارووجاء..لجل عيون فارسة
وغرور جمالي غوا وحلت الكارثه
والنظرة كات إبليس.. والنية لأبالسة
ضميني يا عفة املي ف ستر يغيث
بعيون تكون حارسة..وقفلي بترابيس
دخلت طيك.وضيك.هل ع جبيني
لفلف رقبتي جميل.. وناطقة بيه عيني
شوشو بميت وسواس بيزن يدعيني
لما دخلتك يا عفة.. مابخلتي عفيتي
والله ما قصّرتي.. لا والله كفيتي
وبسرعه لفيتي حاظرة لنظرة ديب..
علي همس كان بيعيب زعابيبه برد وشرد
عداد ذنوبي وقف .صابه الزهق مالجرد
متغابي ليه الوحل وراح يلحوس ورد
يارب استر طول.. واسترنا يوم العرض
فضلك زايد قناطير ع راسي وحوايا
صوني بتوب الستر وواريني في عبايا
اخلصت ف دعايا وسلمت ليه الامر
عاقدة ونية يقين. أفضل لآخر العمر
بس إنتي هاودي وعاودي.. في ودني زيدي الهمس
زيني لشكلي اليوم..نسيني ايه الأمس
كان ألف نمس بنظرة بتخرم. التير
كنت بغطي بكفي.. وده آخري في التدبير
وردة وحامت وزامت ع شمها.. الدبابير
كنت بخاف الخلق.. كنت يوسف ف البير
بس الحميركانت. تتباهى بحمولها
وكل قولها يدوب..زوفة نهيق ونعير
خلاص يا عفة أمانة أوعي تتخلي
اوعي تسبيني يوم وتروحي وتولي
نويت أصلي.اصبري وقلبي ليه راودي
حاولي معايا مرات وهدهدى وعاودي
قلبي يقول يارب سلمت ليك امري
توبك أنا هالبسه مش مره ولاجولة
توأم لباقي العمر بيكي أنا أولى
الله أكبر! وانا . لاقوه ولا حوله
.والعبد ما ينضام طول ما فوووق مولى.
ليست هناك تعليقات:
إرسال تعليق