أغنيات العشق الأخير
1- حبيب الروح
حبيب الروح ..بيتعاجب
و يتدلل ..جماله دلال
ومين اده ..!؟
ماهو مالك خيوط القلب
معاه ..تاهت كمان الروح
وشطه بعيد ..و انا ..رحال
ما أنا..ملاح
لا فيه مركب يوديني..
ولا حتى معايا ..شراع
ما فيش قدامى ..غير العوم
يل ريت أوصل لشطه فى يوم
يا ريت أقدر..ارجعها..
حبيب الروح..جماله ..دلال
وانا العاشق ..نسيم الروح
بعت الروح تنادي عليه
و تترجاه....تهت معاه
لا انا عارف ارجعها
و لا قادر أعيش محروم
دموعى باردة...تكتب له
ياريت يرضى ..يرجعني
اطير حواليه .....!
الإسماعيلية ..سبتمبر ٢٠٢٣
ليست هناك تعليقات:
إرسال تعليق