(..متأفأف..)٣٥٢
كتبتيني.. طب اقريني
كملي
النص التاني من ديني
انا زارع ورد في ارضك
طرح صبار ف فداديني
وكأن الميه... مش انت
وكأن الطين ده
مش طيني
وليه قاصده تحطيني
في بركه الحزين ....ديما
ويوم ماتهل ساعه فرحك
تنسيني..
واقع من وسط غربالك
وكأنه سبوع ... تخطيني
يا ست الكل ياسمره
يا حاويه.للطيبه و عامره
انا الساكن فوق سطحك
وديما كان يقول طيب
لاآوح مره ولا ناطحك
وقلبي ليكي بيهفهف
ومحتاجك.... تلفيني
انا م البرد ......متأفأف
دفاكي رافض يغطيني
ده انا كونك
انا عيونك
ده حتي لوني من لونك
ولو شعري صبح ابيض
اكيد ابيض ..من دونك
وضميني...
وحطي الكحله لو مره
وابتسمي واضحكي عليه
وبصيلي بعين عاشقه
لواد محتاج لحنيه
وشديني....
وقولي تعالي... ياولدي
يا ابن امك
ياتاج العز لجبيني
انا الداير بدون زقه
لاعاز نفطك ولا جازك
انا طوبك ومحبوبك
وانا سندك.و..عكازك
ومن بحريكي وجنوبك
ولو نادي .واكيد عازك
يتمني جايزته الكبري
ويوم..... فرحه....انه
.......يكون فازك
ليست هناك تعليقات:
إرسال تعليق