(..متسألشي..)٣٤٧
متسألنيش ماشيه ازاي
واهي ماشيه
ولو مره هانحسبها
ونهندس في مناسيبها
ونجيب ورقه ونكتبها
هتلاقي ميت حيره
منين داخل لكام ملطوش
وانا جايب حاجات لجيوش
لكن بركه ربنا.. وحله
معانا وستره.... للحله
ولو ربك عننا.. اتخلي
نتوه نجري نقول كتاكيت
ويركبنا متين عفريت
منين كل ال انا صرفه
وانا داخلي تمن كبريت
يا سيدي سيبها ونصيبها
وماشيه بدعي الوالدين
والحال آشيه
لا تاخد عين
...........تيجي..تصيبها
ومستوره ومن غير دين
........ومتسألنيش
ليست هناك تعليقات:
إرسال تعليق