رسالة/د طارق النجدى مجلة روائع الشعر والنثر وفرسان الحرف

 رسالة إلى اخى فى طرابلس الغرب

ابعت لى شاش 

ابعت لى قطن.

ابعت لى حضن يضمنى 

ابعت لى قبر يلمنى..

يا فجر ليبيا ..يا للى قلت 

باحمى  الديار...

احمينى من غدر الزمان 

انت ف مكان ..وانا فى مكان 

و الام واحدة ...بس يا خسارة 

الحليب ف صدرها ..

كان ناقصه حاجة...

يمكن حنان 

يمكن مودة ..يمكن أخوة

يمكن مروَّة ..جنان 

......

آه افتكرت ..دا كان صناعى ..

م المراعى..مش أمنا.؟!

ابعت لى  منديل ..

ابعت لى  قنديل ..و نور  ينور 

درب الأخوة و المحبة .

ابعت كحول ..ياسمين وفل 

ابعت لى سقف ..و اربع حيطان 

انا لسه اخوك ..ليبي و شرقى 

غرباوي ..برقى ..

برضه اخوك ..!

مهما كنت ..ومهما ..كان 

انا لسه اخوك ..

فين التريس..فين الرجال ..؟!/

ابعت لى مرتزقة ..يا سيدى 

يرفعوا عنى  الحطام

تعالى انت قبل الغريب ..

لو ما جتش ..

ابعت ..كفن ..

يا خسارة ..يا ماه 

يا  ميت خسارة ...يا ام الخير 

يا ليبيا..

فين ولادك ..فين شيوخك 

فين...و فين 

واللا أقولك...

ابعت ..كفن ..؟! 

طبرق سبتمبر ٢٠٢٣