كتب الاستاذ المبدع. الشاعر محمود عفيفى دومة..بعنوان ..
..يتساءل!؟؟ثم ختم بقوله:"مشفتنيش "...
وإليه أهدي.كلماتى
شوفتك يا صاحبى و الكلام
نعم و حيرة ..و أحلى سيرة ع السطور
استاذ وحرفك من حرير
و بتغزل الشعر ف ضفاير
للى عاشق واللى حاير
الل حلمه تحت راسه
واللى مش عارف خلاصه ..
شوفتك يا صاحبى..ف السما
بدر الليالى ..إنما ..
البدر عمره ما قال..:فين النجوم
البدر عمره ما قال : ما بقتشِ انا
ولا مرة غاب وسط الغيوم.
انا اللى كنت ..استاذ جراحة
و مشرطى..يكتب على سطور الألم
رحمان رحيم ..
رجعت امسك بالقلم
و اكتب وراك ..
ما بقتش ..انا
وبقيت صبى ..و انت المعلم والكبير
انت. .أمير التفعيلات ..و الأمسيات
و الأغنيات..
انت ابتسامة الحروف ..نغم الكلام
إزاي تقول .."ما شفتنيش "
كده الأحبة ..لما يتوه منهم حبيب
كده الأطبة ..لما يحبوا ..
بيحبوا مين ..؟!
بيحبوا كل المتعبين ..السهرانين
ويا الألم .
.بيحبوا استاذ الاستاذة
اللى فى يوم اتعلموا ...منه الكلام
ما تقولش تانى
ما شفتنيش...شوفت انت مين
مع تحياتى و حبى و تقديري
طبرق سبتمبر ٢٠٢٣
ليست هناك تعليقات:
إرسال تعليق