امال ممنوعه ...
اكتبي انتي القصيدة
وكوني انتي العنوان
رتبي انتي المعاني
زودي من
عندك كمان
قولي كل اللي
موش قادر اقوله
واسرحي في
بحر الغرام
لو هافضل
الليل بطوله
موش هاشبع
منك هيام
وقلبي ليله يسهد
وعيوني ماترضي تنام
وافضل الليل
فكري سارح
اغوص في
درر المعاني
الضملك حروف الكلام
وقلبي يقولك ... بحبك
وأنا اقوله
اة يا قلبي
قول كمان ...
واقوله ليه تداري
و عيوني
فاضحها الغرام
يا قلبي ...
حلوة كلمه بحبك
يا قلبي ...
حلو الغرام
شعر : احمد المرشدي
ليست هناك تعليقات:
إرسال تعليق