(..كلكوز..)٣٤٨
بامانه ياريت متجيش
ولو صممت يوم تيجي
ومعايا ان تعيش
تعيش جوايا تكون ساكت
متزعجنيش
وانا موافق لشروطك
وليك هاسمع ومااجليش
لو هاكل ياسيدي طوب
وبتشاور ع صنف حبوب
هااقول طيب
واكون صابر معاك ايوب
وخليني ليك محبوب
وبيك مرضي
سامع صوتك
وانا المغلوب
ولو ناوي .تكون لي حبيب
ماسك فيه ومش هاتسيب
متألمنيش بآهاتك
ومتقوليش محتاج لطبيب
ومتكنش عنيد ومتجابر
وانا. لاهاعند ..ولا مكابر
ولومره حاولت اني انا اهابر
قولي اسكت
ولا الظن ما بينا يخيب
وفكرني... ولو بشويش
وانصحني بحق العيش
واهمسلي.. ناسيني ليه
ومن غيري ازاي بتعيش
هارد عليك واقول حاضر
وامسك نفسي واحاول
لحد الخط ال خطيته
مش اخطي و ماعديش
وده... عادي...
ملازمني وبيك راضي
بدام قدري...وسيبني اعيش
لكن ..تيجي.....تأزمني
تصغرني.او تقزمني
تسهيني... وتعزمني
وتكتم يوم ع صوتي
وبتهددني.... وبموتي
هنا هاعرضك
وف وشك ارفع انا صوتي
مش انت ال بلوايا
ده انا......... مرضك
وانا هاعيشك وبهوايا
وانا ال مكتوب ع جبينك
وانا فرضك
ومفيش لحبوب
ولاقاري كمان لروشته
و ايه مكتوب
ولاماشي علي طوعك
ولو هاطفي لشموعك
وبراحتك.ويلا..فارقنا
انت وال.. من نوعك
ولاهاخدلك في يوم ابره
ولو حتي ليها هاتعوز
ولو قولت عايز كلكوز
وتشرط ....وتجنن
هاقولك ..
والله مانا جايب
والله .....يخدك.
ولا يحنن...
..يارب
ليست هناك تعليقات:
إرسال تعليق