رجعيني تانى شاعر
رجَّعي الحلم لسنينى
رجَّعينى تانى أحلم
وف عيونك يبقى حلم العمر
عايش ..صورة حلوة فى عيونك
رجعيني تانى ..عاشق
زي عصفور ع الشجر
الكلام وياك ..نغم
لحن صوتك ..له نغم
و الكلام ..له معانى
غير كلام الناس بحالها
والزمن غير زمان الدنيا ...حالها
الوجود...وياك..جنة ربنا
يمكن رضاه ...ورزقني قلبك
يمكن قضاه ...خلانى احبك
لا ...اكيد..حبك قدر
النهار والليل ..يعدوا
وانتِ شمسي ..انتِ قمري
انتِ أمسي ..انتِ السما
اجمل هدية م الإله ..
لو آقول إزاي....
قلبي فيكى ..تاه
يا حبيبة .فيه كلام غير الكلام
محتاج لغات من غير حروف
صوتك نغم ..
بيغني قلبى ..لما باسمعه
عمري ندم ...
باندم عليه ..
إزاي ده عدي ..وانتِ ما نورتى فيه
قالوا :شايب ..إزاي ..يحب
قلت : لا ..دقات قلوب العاشقين
عمرها ما تتحسب ..حسبة سنين
عمري ابتدا..من يوم ما قلتِ
يا حبيبي ..سمعتها ..
عمري ابتدا ..من يوم ما قلتِ
يا حبيبي ..و عشتها
كنت شاعر ..
و الكلام كان صنعتي
اغزل حروفه فى الأغانى
بالأمانى..و الشجن..
دلوقتِ. ..فى حبك..نبى
ليست هناك تعليقات:
إرسال تعليق