رد الروح
بخاف ..لما يطول الرد
واموت جوايا ...ميت مرة
تاخدنى ظنوني..للملكوت
واشوف نفسي ..انا والموت
و اكلم روحى ..ما ألقاها
ما هى وياك ..
اكلم مين ..يطمنّى
يجيب لى جواب ..
كما التمثال ...بعيد عنك
واشواقي والا البركان
والا الزلزال ..
أغنى لمين ..و قلبى معاك
طب ردي ..
بقيت درويش..و كل الناس
تقول ...يا حرام ..!
ده كان عاشق ..نسي روحه
يا ريت تقدر ..فى لحظة ..تحن
لمسني الجن ..بقيت
.مش عارف اتكلم ..
يا ريت تقدر ..
ترد الروح ..
اسكندرية سبتمبر ٢٠٢٣
ليست هناك تعليقات:
إرسال تعليق