(..سواقي..)٣٥٦
عارف
لما كل سواقي الناحيه
تغضب........
ويتسحب منها الحيازه
وتايهه..مابين ناسها
لكن للارض منحازه
قالولها اقعدي ساكته
خدي من الدنيا لاجازه
تحزن يصاحبها الاهر
بعد العمر. بعد الدهر
تحس ان ملهاش عازه
ولابتصب ولا بتكب
ده كان ف سيرتها
قول يجي ميت حاكي
وماعادش خلاص.
باقي الغلب مع كام باكي
وبقت محتاجه لسقيا
ونسيت ان جنابها الساقي
ومنين.ها تجيب.ولا تلاقي
وصبح حوض ارضيها.شراقي
تنام غضبانه
صعبان عليها خطوط الارض
كل ماتبص هناك و دقق
وتشوفها بتموت وبتشقق
تدعي ليها قبل ما تسبح
بعد ماصليت حاضر للفرض
وايه باقي
طلعت شمس عليها تصبح
تقول للارض فينك ياختي ....
..هم الأهل ليه نسيينك
نسو قيراطك مع وفدادينك
وراح خلك ولا باعوكي
ولا ...اتفقو ع لتكفينك
ترد الارض .آه هجروني..
.وزادوا لحيرتي وجن جنوني
بعد ماكنت يجيبوا اسمي
ويغنوني يقولوا الارض
كانو يقولو اني العرض
ولا يقدر يمسني مخلوق....
وكنت ع الراس من فوق
وكنت اتباس
ومكتوبه ف الكام كراس.
والمكتوب انا ليه صدقت
....وكنت انا فوووووق
لكن دلوقتي انا بطلطش....
.بق الميه ليه اشتقت..صبح امنيه
وبقيت بعطش
روحي للساقيه .وشوفي حكايتها
انا الصبح ناديتهاومبتردش
وشوفي مين جه ناحيتها
راحت الشمس للساقيه
لعتب بيتها
دخلت شافت صدرها ناشف
ومفيش نقطه ميه لاقيتها
وايه ياساقيه....
هو انتي حلفتي ماساقيه
ولا ع الارض مش باقيه
انا .......!! يقطعني...
مين كان يقدر يمنعني.
انا ملقيت حد بي معني
كله هجرني ودعني
عمال ازيق.و هملني
انا اتبهدلت .سيبني
لولاد تلعب فوق مني
ماتسمعني.....ولا سمعني
.وانده ليهم حد يجيني..
ياخد يدي ويعديني..
ولا يشوفوا ..
مين نشف دم شراييني
ده انا ال كنت الساقيه
وعاوزه نصيبي من اسمي
و مش لاقيه.
وبقي الباقي يدوب رسمي
واتهموني بتهم باطله
وكل حي بيعدي
يعيب فيه..
ويشاور...يقولي..يا عاطله
ليست هناك تعليقات:
إرسال تعليق