..براويز
سارق ضحكتى سرقه
بخاف للحزن يسمعنى
ولاكن دمعتى سابقه
ومش راضيه ترجعنى
ريحة اللعب ف ترابى
وجنب هدومى ألعابى
ووشى اللى صبح خرابيش
فين الطفل يا مرايا
قتلتى اللعب جوايا
قوليلى مين دا متخبيش
لقيت الشيب ملا شعرى
سيبت مرايتى من قهرى
نزلت امشى على مهلى
م انا مش نازل اتنطط
طلعت عشان انا العب
لقيت ركبى بتخبط
لقيت عيال واتلموا
ونادونى كمان عمو
عمو منين
وامتى وفين
دخلت انا عشان اشرب
لقيت عمرى صبح ستين
ما بين لعبى وبين شربى
وقع العمر منى فين
رجعت أدورأناونفسى
على نفسى
تعبت أنده
خرس حسى
ناديتنى وانا عيل
لاكنى عزيز
لقيت أحلا سنين عمرى
صور مرسومه فى البراويز ..
ليست هناك تعليقات:
إرسال تعليق