حلاوة مصر
ـــــــــــــــــــ
أيوه فعلاً مصر غاليه
وكل يوم بتزيد غلاوه
غيرها فيه حلوين وياما
بس مش نفس الحلاوه
دى حلاوة مصر ربانى
ماهو اللى بناها حلوانى
تقوللى شوف بلاد بره
ح اقولك مصر شيئ تانى
فين تلاقى زى ناسها
وفـــ جمال ليلها وونسها
دى الطيابه توبها يابا
منبع الطيبه وأساسها
مصر جوه القلب ساكنه
مصر عشق مالوش نهايه
إسم مصر بأى لَكْنَه
فى الجمال والحُسن آيه
دا لو كان التاريخ إنسان
لُه قلب وعيون ولسان
كان يكتب فى مصر قصايد
كان غنى لمصر كمان
يابلادى ياأحلى مكان
ياعظيمه فى كل أوان
يعيش اللى عاش بيحبك
وعدوِّك لا عاش ولا كان
سامى النويهى
ليست هناك تعليقات:
إرسال تعليق