فينك يا يد الخير
شعر / عبدالناصر عياط- اسيوط - مصر
فينك يا يد الخير
مدى ايدك تشدينا
خايف أيادى الشر
تدووور وتغوينا
خايف يجيلها يوم
فى جناحها تطوينا
مالك كده ساكت !
مش عيب تصحينا
علّى يا خير الصوت
د الشر ماله مكان
أصرخ انا موجود
دايم لكل زماان
عارف طريقك شوك
ومعاه كتير حرمان
ده لاحتمال المر
بشرى من الرحمان
لكن لابد تعيش
حاكم مدى الأزمان
اقلع جذور الشر
يعود لينا الأمان
يفرد جناحه الحق
دائما فى كل أوان
ويبقى فينا الصدق
والعدل يكون عنوان
والخير بينا يسود
وتختفى الألوان
أصرخ أنا موجود
حاكم لكل زمان
بلاش نقول ع الخير
كان زمان ياماكان
ليست هناك تعليقات:
إرسال تعليق