(.العطار. )٣٣٦
ياعم ياعطار
ما تقولي ايه مالك
خلص الصبر من عندك
ومفيش ولا جالك
ماسك غربالك
و بتهزه ع الفاضي
ولا انت زي حالاتي
عايش علي الماضي
مالي الاسي قلبك
وحزين و مش راضي
ما تقولي نجيبه منين
و الصبر بقي عادي
ينفع نروح نزرعه
ونحايله وندادي
ونبدر لبذره هناك
في ارض تكون برحه
ويتكتب ليه الاجل
وأرضه تروح طارحه
لصبر يداوينا.....
ويجيب معاه فرحه
ويداوي كل علل.
فينا بقت جارحه
ولو مفيش من أمل
او مره تيجي سارحه
طب شوف لنا واصفه
تطببنا ....تكون فالحه
حبه رضا. وحبه قناعه
وحبه متنقيه.من ناس
تكون طيبه....
ومن البشر صالحه
ليست هناك تعليقات:
إرسال تعليق