(.مسكون.)٣٤٢
مابين وحده
ووسط سكون
انا مسكون
انا خلقه لرب الكون
انا من نطفه قال ربي
ليها كن فيكون
ولمست قدمي ارض الله
في اخر نطق حرف النون
لكن عايش وانا بسرح
وكام سؤال خيالي يطرح
وايه نهايه المشوار
ياواد جنه ياواد محتار
ياواد عامل حساب ربك
ولا عامل حساب للنار
وتركبني ظنون وظنون
وليك شاكر واكون ممنون
تبشرني.....
وهدي لفكر ..حيرني
وانا محتار
وأمنيه اكون. جاهز
بزاد الدار
وتشوف عيني لحور العين..!!
ومين جنبي ومين الجار
ومين ف العون
ومين كفه لضهري حنون
ومين من بعد ايامي
هايدعيلي .وعهدي يصون
كتير ....مطروح
وانا ال مسكون.....
مليش ف الدنيا إلا انت
اكيد ربي.....ورب الكون
سبحانك....ربي
ليست هناك تعليقات:
إرسال تعليق