عم إحلم
.......................................
عم إحلم مره بشي يوم
نروح بسفره بحريه
ونتشعبط فوق الموجات
من عابكره لعاشيه
إيدي بإيدك دوم الدوم
ودوم بتتغزل فيي
وبالليل مننزل عالشط
والسهره صباحيه
...............
عم إحلم لو إنو نطير
نطير نعلي بالعالي
نوصل لأعلى الغيمات
نتصور بالعلالي
إلبسلك أحلى فستان
وطوق من الدهب غالي
والصبايا مني تغار
ومتلا نجوم الليالي
.................
عم إحلم نصحى بكير
نتمشى بهالبريه
عجناحات الريح نطير
نبعد لبعيد شويه
نقعد بجنب الأزهار
والوردات الجوريه
نغزل أغاني وأشعار
نقعد قعده هنيه
.....................................
ملك محمود الأصفر
ليست هناك تعليقات:
إرسال تعليق