*كفرنا*
........................
كفرنا كفر من الكفور
الكفر عمده ومخبرين
ويجى عشره من الغفر
متأنعرين متجبرين
على معزتين و١٠٠ نفر
...
واكلنها والعه
وأى زلعه فيها مش
يعدو دودو
...
وعليه رسوم
كل يوم
يزيد يكش
او شد عودو
...
النص ليهم
والباقى..........
لصندوق الخطر
...
وعاملين رسوم
ع إللى يقوم
...
م النوم يخش المبوله
...
ليك طالعه واحده
كل يوم.........
ولا تبقى...... سبهلله
بطلوا.... شغل الغجر
...
فيه نظام وقبل الغيوم
ولا يعنى
هتخربوها وتبقى عوم
...
ايوه النظام.....
أسأل بكام ....
مزنوق...........
فيه......... غرامه
أو هتعمل جدوله
وبطلوا..... أكل الزفر
...
والتعليمات
يوم الخميس
او التلات
...
ومن سكات
ممنوع تفكر
او تقول....
.........الفكر
غلطه لا تغتفر
...
تخفيف احمال
مش عايزه
سؤال
كله شمال
الدولار أحسن
واغلى م البشر
...
حافظوا عليها
م الخطر
والمؤامره والحسد
والفرنجه والتتر
...
وكتر الكلام
......والعلام
...
والصحه حلوه
........لو تصوم
والأكل ايه....؟
......خس وجزر
...
والعلم........ إيه...؟
كلام ورغى وفشخره
...
والعلام.......؟
وجع دماغ ومنظره
...
والشرب إيه
منه....... فيه
تاخد... وتدى
...
وفى الخريف
مية مطر
...
والكلمه ايه!!!
....كله تمام
...
هو ده اصل العلام
والكلام ...
بعد التمام
اكبر خطر
...
وغنوا وافرحوا
بس هو....
لحن واحد
...
عادى
ممكن نشرحه
بوم.. بوم.. بوم
عايزين فلوس
بيع الفانوس
وتبقى ضلمه
انت ترس
م التروس
غنى
وانجا من الخطر
اصل الكمنجه...
بنص قوس...
وفيها م الاوتار
................وتر
محمد وحيد
ليست هناك تعليقات:
إرسال تعليق