فشنك! ١٧٤
مفيش لطلقة ف مدفعك
اصرخي وعضي الأمل
علي صوتك وازعقي
جااااي قوليها تدفعك
يمكن يجاوب الامل
او في مره يسمعك
ولا انت معمولك عمل
ومن صراخك يمنعك
بكره ناسي وليه متوه
والغيام ساكن سحابك
والجنين. نازل مشوه
أمله هرساه السنابك
نجمه. قال ده مش مفوه
هم فوق الصدر طابق
عينه ليه. مش وسط راسه
وكفه ناقص كام صباع
شريانه من جريه ينهج
كتفه ليه من رجه ماع
سم رضعه معبي كاسه
حزن صابه ف بدنه شاع
وف رقبته. عقد مر
حل كل رباط ف عضمه
قالوا ارجع لا مفر
حبل عسره جه ولضمه
حيطه شرخ شد كر
والوجود ناكر وجوده
والشلل ماسك ف قدمه
وبكره ناكر لوعوده
حسسه انه زي عدمه
حبل سري. القهر داسه
وصرخته اخرها ودنه
ولا حتي سمعها ناسه
حتي عنه اتخلا بدنه
لبسوه لتوب المذله
اوحوا له أن مقاسه
ليست هناك تعليقات:
إرسال تعليق