اتطمّـني ............
مهما افترقنا فـ البلاد
اتطمّـني ............
جايلك انا حسب الميعاد
جايلك انا وراكب فرس
من غير عيون من غير حرس
هاخدك واطير فوق السحاب
وابعت لاهل الكون جواب
وأقول لهم بحبها وبتحبني
اتطمّـني ...........
ليه خايفه ليه من الفراق
بعد الفراق فيه اشتياق
مانا كل يوم فـ البعد انا
بيعدي يوم محسوب سنه
جايلك انا وكلي منى
جايلك انا ........
صبراً يا روح قلبي اصبري
اياكي يـوم تـتـحـيري
زيك انا ملهوف انا
دايب حنين محروم هنى
وماليش صديق وحدي هنا
جايلك انا ........
جايلك انا وراكب فرس
من غير عيون من غير حرس
هاخدك واطير فوق السحاب
وابعت لاهل الكون جواب
وأقول لهم بحبها وبتحبني
اتطمّـني ...........
كلمات الشاعر الغنائي / محمد مصطفي
ليست هناك تعليقات:
إرسال تعليق