هش هش! ١٧٠
جوه بيتنا ماكنش كنبه
كان حصير وكان أياس
بره عتبه. بتنا عنبه
وخير حوالي الف راس
بالعشره حاضن طمي طيني
حضن مش محتاج مداس
كنا خلق الله وطوعه
كنا صحبه واحلي ناس
وكان كانون شايل لحله
كات قلوب ضحكتها هله
صافيه بيضه مفيش لعله
طيبه موروثة وميراث
وخير محاوط الف هش
لل. مزغط وال ناكله.
وال بعد عسله نش
وكل حاجه بطعم سكر
قول عسل ساكن ف مش.
كان خضار ناطق عمار
وكان حمار ف فول يدش
ولما قوله يلا بينا
يكنس الطريق يأش
وكان قنايا وكان رحايا
وترعه كات بنيو دوش
وخير مصاحبه الف حركه
وف حصادنا خير وبركه
ونيه صافيه مفيش لغش
ومدنه عاليه والجوامع
وفوق سطوحنا الصوامع
قمح يضوي دهبه لامع
والحمام جنبه ف عش
يومنا نفرح بال فيه
كل حاجه. منه فيه.
الحطب من قلب غيطنا
والطحين من وسط بيتنا
والزفر. صابح. بصابح
كان يرفرف ونقوله هش
كل يوم يبعت هدايا
وكل عيد كان ليه عدايا
ولما تخش بيتنا دايا
نشوي او نسلق نطش .
ويومنا مرضي ولو بحاف
وصوفنا حمل ومش لحاف
دنيا كان الطعم سكر
حتي لو الحلو مش
ودندشه بتزين لراكبي
والعبايه تزين مواكبي
قاري بيرم والكواكبي
وف العزومه مش مراكبي
لوبصل نسعد ندش
...
اتفضل معانا!
ليست هناك تعليقات:
إرسال تعليق