خسارة يا قلبي ما فرحتش
مناك ترتاح وما ارتحتش
عشقت بجد وأتمنيت
تلاقي الحب واستنيت
أتاري الدنيا ما بتديش
ولا تسمح لحب يعيش
تفرق في القلوب وتخون
وتجرح اي قلب حنون
وأخرتها نعيش مجاريح
كما ريشه في وش الريح
وأحلامنا تروح وتغيب
ويسرقها أعز حبيب
وأعيش وحدي مع حبي
وأتاري الذنب كان ذنبي
وأقول يمكن حبيبي فـ يوم
يجيني بشوق لكن موهوم
ولا جاني وسابني وحيد
في أحزاني وهو بعيد
ولا حاسس بتعذيبي
فايتني لناري ولهيبي
وأعيش أيامي من غير روح
معاه قلبي وأنا المجروح
وأحاول أداوي فـي جراحي
وأحس بطعمها أفراحي
أتاريها معنداني
ومش عايزاني أعيش تاني
بتتمني أكون ضايع
وأخون حبي وأكون بايع
لكن عمري ما أخون الحب
ماهو في دمي وجوه القلب
وبتنفس هوي عشقي
وبتمني ودا من حقي
يجيني حبيبي يناديني
ياخدني بلهفة يحميني
وأعيش جنبه ولو ثانية
تكون أحلي من الدنيا
ونبدأ من جديد ونكون
حبايب عمرنا ما نخون
كلمات الشاعر الغنائي / محمد مصطفي
ليست هناك تعليقات:
إرسال تعليق