فاعل ومنعول!!! ١٦٧
وكام فاعل سامع صوته
وعم الفعل متخفي
والمفعول منيش سامعه
وعامل جرد بيصفي
لكن شايف. هناك دمعه
وماشي يزك متكفي
وصوته ف علبته بشمعه
لكن سامع انين دمعه
نازف جرحه
وجمعه اتهز من طرحه
هزل ف الجد متربع
وشارب غب ومأربع
ومستعجل. ومتسربع.
ولاداري ولا يعول
ناقص فاعل م الجمله
ومتهلفت ومتغيب
وكام لسان عليه يرمي
وغيره يعيبه ويعيب
تقول ده ايه ال متسيب
مفيش من فعل. كان مفعول
ولو ورور ولا زغلول
لكن شايف لميت ناعل.
وكام منعول
وزادت كبرت العله.
وعملت رابطه للمعلول
بقيت بهلول
بقيت تايه ومش عارف.
وجوايا الكلام هايطول
وجنب الحيط خيال ماشي
مكفيني رغيف مبلول
حالي بينزف غرز نابه
يجي ميت غول
ف ضهري. ال متقطم
ف ضرسي ال متهتم.
ف كلي ال ساب كلي
صبح عايش ومتيتم
و يسألني. بقينا ف تييه
.سلام. زهقتني منك
بقت ريحتك .تزيد أخييي
وبقيت ناعل لكام حاجه
لميت حاجه ومش حاجه
بقي عرضي مساوي الطول
بنام علي نفسي وبصبي
نصيبي ف بؤجه متعبي.
بنادي كل يوم ربي
بقيت محني.
بقيت ماشوفني مالمحني
خيالي راح و تاه مني.
وعله تفن ف طحني
وفريسه. جوا فك الغول
وريح الشح جه لفحني
وبقي مني تايه مني
وانا الفاعل!. وانا المفعول!
وانا الناعل! وانا المنعول!
ودستوركم. واستأذن.
يااسيادنا بقيت مبلول!!!
ليست هناك تعليقات:
إرسال تعليق