دعوه ومليش دعوه! ١٧١
بقينا صوان بقينا جرانيت
ووشم كأنه بقي وحمه
مفيش لحديت والف عبيط
.وجاهل يعني ايه رحمه
عوت نبابيت سابقها التييت
وسوادنا اغمق من المحمه
بقينا نسور وسهل نثور
ونسخن جمر وبنحمي
وخوته وزمر. وضبع ونمر
سكن ف عقولنا ف الزحمه
وبعبع.ليك كمان وعليك
بدل من قولنا شوحنا
غاب الانسان وفضي مكان
وحل الديب ماسامحنا
ياناس كل الصفات فينا
ياناس تاهت ملامحنا
غابت رحمه وبقت محنا.
نسينا ربنا وعفوه
ملكتنا العافيه ع روحنا
نزيد النار مرار لمرار
أخدنا الفكر طوحنا
مفيش شريان شايل لحنان
يهد الغل جوانا
مفيش مخلوق يقول محقوق
مفيش خالق بينسانا
هاتولي تراب هاتولي الطين
ومره اسألوه فينك...
جوابوا هايكون
ف قلب عيون
ومنهم انت في عينك
ياخلق ياهوا قولولي ليه
لبعض سنينا. سنانا
وليه ديابه علي غلابه
وكأن اكلهم سنه ..
غابت زينه وجت شينه
وكأن الزينه منه.
ومش مفهوم ولامعلوم
نسينا صراط مع جنه
ننام بعين نفتح عين
نخاف المر والدالع
نسينا ليه. لرب معين
نسينا آخر نفس طالع
وخيرنا خلاص بقي ماضي
وعشنا الشر ومضارع
وبقينا صوان. وقول جرانيت
وقلوبنا حجاره ف شوارع
ليست هناك تعليقات:
إرسال تعليق