وشوش! ١٤٦
وف الدنيا كتير وشوش
وشوش بيضه وشوش قمحي
وشوش سمرا فيها ملامحي
ووش يوش. ووش بشوش
ووش يعيب ووش يحوش
ووشوش طيبه مفيش ريبه
صدفه تشوفها وقريبه
تقول الله تلاقي النور
يعدي يزور بنور حلاه
ووش تغيب بيدعيلك
وساعه الغيبه بيشيلك
دعاه. بيزيد قناديلك
ومفيش ف القلب غير طيبه
ولسان حامد هناك شاكر
وضوح الشمس مش ماكر
يقول الحق ومريده
وساعه الجد مش ناكر
قاعد وحده يكون ذاكر
حافظ دينه وليه مذاكر
تضج الدنيا كام ضجه
وكام هزه وميت رجه
داعي لربه ويترجي
وناسي الاسوه مش فاكر
وقوته يحلاله ف قروش.
راضي ومرضي بالقسمه
وحامد ربه ع النسمه
وبسمه مرسومه ف وشوش
ليست هناك تعليقات:
إرسال تعليق