انتهي زمن الدلع
وابتدي زمن الوجع
كل شئ حلو في حياتنا
راح ولا تاني رجع
المحبه والاخلاص
الامان في قلوب الناس
المعاني الحلوه راحت
كان زمان دلوقتي خلاص
كل واحد شايل همه
ولا غير نفسه حد يهمه
وحده من بعده الطوفان
ولا مستني حضن يضمه
كان زمان ناس طيبين
كان زمان طب هما فين
راحو زي كل حاجه
حلوه ضاعت من سنين
الحنان ويا الامان
والغرام ضاع من زمان
واللي فاضل لينا بس
اللي جرّح واللي خان
كلمات الشاعر الغنائي / محمد مصطفي
ليست هناك تعليقات:
إرسال تعليق