مارسون! ١٥٦
بيجري حرفي يتشعبط
ف اخر عربيه من عمري
بيتكفي ويتلخبط
وغايب م الصيام تمري
يروح يقلع م السطور خفه
وماسك الستر ف سنانه
وضارب للهوي بكفه
يردد حب لأدانه
يارب استر ويستغفر
وحمرة رهبه ف ودانه
توشوش قلبه بالراحه
يرد وقوله بصراحه
مسلم ربنا امري
وبروي لزرعه دبلانه.
وبغرس شتله من زمري
.وعافر وسط الف طوفان
بحاول زرع لو فدان.
لكلمه حلوه لصداقه
اراود جملي و الناقه
اطبطب عرقي واحايله
وقوله بلاش
هناك للحرف فيه فحايله
مفيش ليهم بساط احمر
ومفيش سلم اكيد نيلوا
وده قدرك...
تعيش بيتك تعيش شطرك
صحاري بيميشيها قطرك
ياتتشعبط! ياتتشخبط!
مابين نوات وبين سراديب
غزال شارد يقابل ديب
علي كام واد هنا لعيب
ع نظرات هناك بتعيب
تقول ياشيخ روح روح
...ولساك جاي. بتطوح
خلص قولنا. وبنلم وهانروح.
وكام همسه ملونه اصباغ
حاكمها. الكيف
والوانها بلون الطيف
وتعرق وتحضنك حيره
ترغرغ. نسمه ف عينك
تخش مطبخك حالا
تقلب كل مواعينك
ع حالك ع سنينك
وتتلفت
ع شمالك ع يمينك
مين فيهم ملاك حاضر
ومين سامعك ومين ناضر
تلوم اللحظه وسنينك.
يقل الوزن من حزنك
.ماكنت بعيد وليك وزنك
ويلومك ..بهمس طنين
بعدت ليه عن الفالق
مفيش الستر من مخلوق
لكن بس من الخالق
ليست هناك تعليقات:
إرسال تعليق