كبريت!!! ١٤٩
وشطاطه وعود كبريت
ومابينهم خناق وصويت
وحرب وقايمه مندلعه
تهم رايحه وتهم جايه
ومين فيهم سبب ولعه
وشطاطه وبتعايره
زمان أنا ياما دلعتك
انا بنفسي ال ولعتك
وعامل عود وليك هيبه
ومعمولك حساب جامد
ومن غيري تجيك خيبه
واخرك زيطه تتلامض
ودوني تشتهي الولعه
بدون شطي وشطشطي
ولا تقدر تأيد لهبك
وانت ف علبه متغطي
ودوني تكون ماليك لزمه
وبره العلبه وتوطي
تخش ف كومه وف ازمه
وتشتاق يوم لمرمطي
ماانت هجرت للحزمه
وعني عميت وده نصيبك
وهايصيبك لو استغنيت
يرد.العود.
.........وبعد.التيييييت
رديحك طال وده قولك
ومن غيري ايه مفعولك
اكيد ما تولعي لوحدك
ولاتهزي ف نار طولك
لولاي ماكنت يوم انت
لالزمه ليكي ولاكنت
ومايولع شبر ولاسنتي
لكن بوجودي لك قيمه
وليك مكانه وعظيمه
ولولاي كنت مابنتي
يا شطاطه بلاش عيبه
د لولا شهامتي والطيبه
لا اتبري و معرفكيش
خليني ف علبتك عايش
ياشطاطه ومابطفيش
بعدي ما تشوفي لولعه
وراح تنسي
وحريقه مفيش......
خليني ف علبتك عايش
ياشطاطه وبلاش تطفيش
غلب غلبي خلاص منك
تكوني قاصر
في سن الطيش!
ولو مره في يوم لومتك
تنادي مامتك وماتعديش
وبنت قرود تشط العود
وتبقي. مصيبه وبريئه
تشعللها تولعها صريخها
يهب بحريقه! 🔥
حريقه! 🔥
حريقه! 🔥
ليست هناك تعليقات:
إرسال تعليق