حوار معي! ١٥٥
ومسميات
وسلاح وذو حدين
ولابتبني ولا بتهد
ولا بتسد اصل الدين
وكام طايره ف الهوي حايره
ولامست ف يوم خدين
نقول بوضوح!
هاجس جوايا قال بعدين
وصوت مبحوح
طب هوش
ولو بجريدة ف خيالك
حريص ننك وماتلوش
لتلقي الصمت ف قبالك
وراح مالك. وتتخبي.
و تتكيس وتتعبي
وشكوي في مقابل ردين
صحيح جدنا واحد!
صحيح امنا واحده!
لكن ف خيالنا ف ملاحده
قالو جدين
سألت بقولي مين هما
قالوا آدم. وبني آدم
وآدم جدنا الأكبر
وتبقي ستنا حوا
سؤالي حار بيتلوي
وشايف عرقه ع الاوره
ورعب ماسكه م العوا.
يحس لو هوا يعدي
وكأنه صابه كام نوه
وراح قالي
وكام حلفان سابق قوله
بسيده فلان والمتولي
كتير اسياد وتراللي
اغير أسأله مشينه ..
.فريت لورق الكوتشينه
عشان اعرف المعني
عيوني اشتكت مني
وقالو ياعم دمعنا
وعديها. وخش ف ال بعديها
سألت ومعني (عالميه )
قالوا اسمع. وهات ميه
وروح اقسم ع ميه
يطلع الرقم واحد .
وتبقي هي عالميه
يادي الحيره.
قطع الفكر والسيره
..وصمت ومرش ومزيكا
هيييي! عرفت اجابته ياويكا!
... وجوايا سؤال حاير
ومين الحلوه ام ضفاير
تملي كاتبها ف كلامك
ايه شهاداتك وايه علامك
جايب م القفه ليه سلامك
مفيش مرسي ولا سنكس
وبلدي خالص ف كلامك
بتتاوب ....قول جاوب!
.تكون قاصد أن دي امك
تكون اختك! تكون بنتك!
تكون الحاره من دمك!
ساعات تقول عليها سمره
وساعات تنادي يابهيه
قول خلصنا. مين هيا!
مشفتش ام بضفاير
وتتغزل فيها بقولك
ياسيدي اختشي بدمك
وشوف عرضك ع طولك
أوام جاوب?
ياواد اصحي وماتتاوب
السمره. اصلها امي
وبهيه برضه تبقي امي
وترابها يبقي واد عمي
وعمي شمسها والنيل
..وليلها الاسمر النعسان
وكام فدان من الصحبه
ع ناسها ع فاسها
ع سعاده وحب ف كاسها
وفرحه تحط ع راسها
يارب اسعد لونسها ..
بس حاسب! مين ده ونسها?
...ونسها ابنها السهران.
ع الجبهه وع حدودها
ضناها وخل مولودها
هناك صاحي.
وحارس علم ومعلم
مشجر حارسه ومقلم
عيونه مفنجله فناجيل.
بلون الخضره والميه
وكتير تبقي بلون النيل
بياض ساكنها ف النيه
بلون الضحكه والمواويل
ولا بتنعس ولا تسلم
لكن للدنيا بتعلم
خلص قولك.
لا. لسه. بدام عايشين.
ولينا لسان بيتكلم.
ليست هناك تعليقات:
إرسال تعليق