دمتم بخير.! ١٥١
أحنا بخير ..
وطول عمرنا بنحب الغير.
طول مالبسمه بطير نسمه
وتكون قسمه لكل الطير
احنا بخير ..
احنا بخير من غير عكاز
من غير. غل وده إنجاز
من غير ظلم وليه ننحاز
احنا بخير..
طول ماساكن ف ضلوعنا صلاح
ولغيرنا بنتمناله. فلاح
وكل سؤالنا. للفتاح
احنا بخير..
اصلنا طينه عجينها سماح
خاليه ضغينه كاره جراح
تمشي تفرق. الف صباح
احنا بخير..
طول ماعرقنا يجيب للقوت
طول ماالرزق بخيره يفوت
لين قولنا مفيش نبوت
احنا بخير..
طول مالحلم لفوق بيطير
طول ماحيلتنا صاحي ضمير
طول مالقلب لدينه بيغير
احنا بخير..
احنا بخير لو شوفنا الخير
يفرح يسعد. كل الغير
ندعي ف جامع اوفي الدير
احنا بخير..
طول مالخطوه بتمشي ف طيب
طول مانطبطب ولا بنعيب
نقول الخير ف صديق متغيب
ولو سألونا. نقوله الخير
احنا بخير...
.
ليست هناك تعليقات:
إرسال تعليق