هاشوفك تانى
أشعارى/ عبدالناصر عياط. اسيوط. - مصر
أنا إنسان عايش ليكِ
ساكن فيكِ
وأنتِ العايشة جوايا
راعي ودك وهأفضل
باقي على عهدك
أنتِ ضُحايا ومسايا
أنا ضحكتك الصافية
فداك الصحة والعافية
وأنتِ الجرح ودوايا
أنا رؤياك فى منامك
أنا فكرك وآمالك
وأنتِ النجمة وسمايا
ودعوة صادقة تدعيها
في صلواتك، مناجاتك
وأتمناك في دُعايا
فى قلبى صورتك ، عاشق
صوتك وهمساتك
أنتِ النسمة وهوايا
غيابك طال ، وشوقى مال
وأنت الآه فى موالى،
أنت الحلم ورجايا
٠٠٠٠٠٠٠٠٠٠٠٠٠٠٠٠٠٠٠٠٠
هشوفك تاني...
أنا غرقان فى بحورك
أسير جوة اسوارك
تاهت مني شطاني
أنا وياك ماشبعش
كفاية حنان
يا بر أمان
عيونك هى أوطانى
معاكِ أرتاح بعمق
الروح ، يا نبض القلب
يا كل عشق وجدانى
أعيش بُعدك وأتحمل
وأموت بَعدك ولا أتحمل
فراق تانى وحرمانى
أعيش أستنى نتقابل .
تكون صدفة أنا قابل
وشوقك يملأ أحضانى
واشوفك تانى
ليست هناك تعليقات:
إرسال تعليق