الحق!!! ١٥٨
الحق قال للباطل
معاديني ليه ع طول
مع ان قولك مزوق
حتي الكلام معسول
هو انت اصلك كده
من جد لسابع جد
ليه انت فارد اوي
تغوي البشر وتشد
شكلك حويط ولقيط
عمرك ما ابن أصول
مبارزني خفي وعلن
بجح كمان باكس
عايش عصور وزمن
واطي الرايه وناكس
تزرع فتن ف الارض
تحصد خداع محصول
والطين يزين خدك
نقطع جذور جدك
تشرب لسم زعاف
بحسره.تموت مغلول
ارجع تاني لرشدك
ليه لسه بتماطل
كفايه يا نكره
بتزوم ومش عاطل
خلك رعاع مكره
وحلوهم. قاتل
ياسئ. الذكري
واسم الدلع باطل
ليست هناك تعليقات:
إرسال تعليق