امنيات! ١٤٧
بيموت العدل قصاد عينا
وبنطلب م الرب يعينا
بالشفا وبنغسل مواعينا
من مكر القردة وألاعيبهم
وبخلنا وخوفنا على خيولنا
وهرب وفارقنا وراح حيلنا
علي بعضنا قولنا وخيّلنا
بين لاء وأه كانت شارده
طمعنا الخاين ف ديارنا
ووصايا في دينا على جارنا
وغريب بقى ساكن ف ديارنا
والبوصله ف العالم حرده
اكتافنا مخاصمه لبعضيها
وكفوفنا كمان بتعديها
والرؤيه طب مين يهاديها؟
يهديها الصدق ولو وارده
الفرع هناك سوّس، مايل
وديابه وسوت لهوايل
كام عهد وف الاخر آيل
مع غدر وهدر وناس بارده
كام راعي بيرعي لجبروته
بسلاح بيمده وبقوته
نقضه للعهد مابيفوته
وسلامنا وحمامته مطارده
الغرب مغرد وفي سرب و
والشرق منشف ليه قرب و
علي ام وطفل اهو بيحاربوا
والموت محاوطهم باليارده
هات إيدك وامسك ف اديا
وكتافك تحمل ويايا
هات قولك وف ضهري يأيد
وياسيد...انت مليك سيد
على ارض وعرض وناس فارده
ليست هناك تعليقات:
إرسال تعليق