#سجال_مع_مبدع
مرة أخرى مع سليلة الإبداع الشاعرة الواعدة امل صبري
بعنوان#خطي
و البداية معها
#امل_صبري
——————
خطي فوق الحزن خطي
كن لى امواجي وشطي
مد أحلامنا اللي جاية
بيها راح لازم نعدي
#هاني_احمد
——————
خطي كان لازم يغطي
سطري في الأحزان يخطي
يكتب الحلوة الشقية
اللي واخدة كل ودي
#امل_صبري
——————
خطي فوق كل اللي حاصل
حلمنا لازم يواصل
لاجل ما نعيش الحياة
كل لحظة جاية جاية
المهم نعيشها هي
قسمة ونصيبها لقاه.
#هاني_احمد
——————
مهما فيها من فواصل
من اللي الفاصل و اللي واصل
حبي ليكِ منتهاه
مهما كانت الأسية
عشقي شيء فاضحاه عينيا
قلبي و الأشواق معاه
#امل_صبري
——————
الحياة حلوة وهنية
يوم معانا ويوم رضية
واحنا لينا ألف نية
خلي احلامنا هناك
عند بحر الحب فرحة
لابسة فستانها وطرحة
هايمة روحنا هناك وسارحة
طيفها في سمايا وسماك
#هاني_احمد
——————
عمري ليكِ و إنتِ ليا
أصلك إنتِ أجمل هدية
و ف عينيكِ تعيش عينيا
عشقي يتنفس هواك
شوقي طايف ليل مدارك
داري فيكي و فيا دارك
كفي حارس ليل خصالك
مستحيل أعيش بلاك
#امل_صبري
——————
عمري لاجلك رح أعيشه
كله بجنانه وطيشه
لو هكون وطنك يا غالي
انت راح هتكونله جيشه
الأمان وياك بحسه
زي طير فرحان بحسه
كل تغريدوا عشانك
عمره ما يخاف شئ يمسه
#هاني_احمد
——————
زي فيلم شوق… أفيشه
ورد ….طير فرحان بريشه
يحكي أشواق الليالي
و لغرام معاك باعيشه
الحنان بإيديك ملاني
و الحنين لعينيك نداني
كلي إحساسي حيالك
تملكي سلطان عريشه
#تمت
ليست هناك تعليقات:
إرسال تعليق