حسبه برما!!! ١٢٤
انا حاصل لضرب الدنيا ف مقامها
انا مجموع ساعات الدنيا وعلامها
انا الجذر وانا المجزور
انا المسقط وانا المنظور
وانا المقسوم علي ايام بألوانها
بقيت مطروح من الدنيا
وصفري ع الشمال عايش
صبحت علامه عشريه
وع يمين الرقم طايش
وجمعي بحسبه مايساوي
عدد أصفار ..وبالمندار
ومفيش رقم واحد حايش
عدد وخطاوي متتاليه
ومفيش من جبر
وبتقرب سنين تجري نواحي القبر
بقي مني سالب واحد
وبقي الواحد مفيش من صبر
بقيت واحد وانا المقسوم ع تلاتين
وبقي كسري مايكفيني يدوب تلتين
وبقيت استلف واحد
يكون من خانه الميه
وامنيه ان تديني
وتتبخر وفين هيا
واروح اجري لمسوده
يحوز تبقي ف يوم جاده
واشيتها تكون معدن
وادعيلها تكون فضه
مفيش واحد من خانه الألف
يكون صلي او اتوضي
يداوي لنفسه بالصدقه
يزيد باتنين ده لو عدي
وانسي لحياه الكسر وتتقضي
ودنيا ببسطها تعدي
ولو مكسبها كان ودي
وترميلي تلات أصفار
وياريت جنبهم رقمين
وعلي تلاتيني اقسمها
بفرح ملهوف
اكون حاصل لضرب الوف
وكون ف حوضهاو زمامها
يارب بسترك استرهاعلي ايامنا
وعلي يارب في مقامها !!!
ليست هناك تعليقات:
إرسال تعليق