صابحه!!! ١١٥
وليه ليلك ياأمي طال?
ومساك طرحته سوده
ونفس اللون. ع راسك
يكون صبح السواد موضه!
وليه البسمه حيشاها!
ونظره. بمر ف حشاها
ليالي بطولها عيشاها
وبشوف لدموع
ومن دمعك انا موجوع
وبخاف. ابص لعيونك
لحيره ساكنه مضمونك
وكون غريب ومش كونك
وايه الموضوع!
صبحتي. زي امبارح
وبكره ليه شوكه طارح
وخلك ف الخلا سارح
وشرب م الكوع
ورموش.عينه.ما اتقابله
وسمعه. زاد عليه طبله
طالت حيرته وزاد خبله
حقيقي ولا انا مخدوع!!!
وكوم الهم. زاد بهموم
وكام. حفره ودحديره
وحلزونه ورحي بتزوم
وسيل حادف سهام حيره
وبقوم مفزوع
وزاد دمعي. وعالي الكوم
ومفيش صدقه ولا جوده
وغاب الضي قال هايصوم
وغابت الجنه والروضه
وباقي الممنوع
وبسأل نفسي وبتمتم
يكونش اللون بقي موضه!
غرقتي ف فخ برموده!
يكونش الفرحه مرصوده!
وخاليه والدسم منزوع
ياريت ضحكه ياريت فرحه
امانه تغيري. الطرحه
وتصبح بسمتك برحه
واقول مبروك. وبعوده
وتهاود فرحتك وتطوع
ليست هناك تعليقات:
إرسال تعليق