والف تييييت!!! ١٢٠
قبل مني ياما قالو
والكلام غير الحديت
الكلام ف الشمس قوله والحديت . ليه بير غويط
جم قالولي ع الحافه امشي..
خلي عينك وسط راسك.
عيد حسابك كون حويط
اياك تغرب اياك تقرب اياك تخطي او تزيط
قول للحقيقه. واكتبها يافطه
آخر الطريق . دمور وبفته
ولونه واحد ..مفهوش لتفته
من غير. جيوب و مفيش مخيط
حدد انت. انس انت ولا جان!
ولا انت جنس تالت
بين البنين مكس وخليط!
وريني قولك وف العلالي
خليه يلالي . يعدي بحر. يعبر محيط
عمال تلون .
وساعت تهون
فكري منك قرب يشيط
ليه كلامك . عربي مكسر
باين سنانه. ومش نشيط
قول وبوح من جوا قلبك
وسيب لنفسك . وماتكون عبيط
المس لقلبي. و عليا طب طب
وهات كلامك. لو م الغبيط
وقول وانا اسمع. وصور مشاهد
وبلاش نناهد. اصدق وعاهد
وانا بشاهد. واقول يا مبدع
او حتي ازمر. وقول ياتيت
عامل حويط!
طب مانا كشفك و معايا كشفك
لو م بعيد شايفك ولمحك
حافظ كلامك . عارف سكونك
وايه هو كونك. حافظ ملامحك
ولو هاسمحك. ف كر الشريط
اديني حكمه. طب كلمه واعره
او لفظ نوفي. بره عبايتك
ناطط لحيط
الله يا سيدنا .روحنا وبعدنا
جينا وسعدنا. وماتواعدنا
وشوفنا ال مأمبك. جنبه الاليط
اعقل وهاود . وارجع واعاود
اثبت وجودك. واعرف حدودك
اطلق عنانك. احبس قرودك
ومش فكاكه . ولا حابه سيط
وتييييييت!!!
ليست هناك تعليقات:
إرسال تعليق