(خير اللهم اجعله خير)١١٩
ومتكلفت ف كوابيسي
بنوم دايب ومتقطع
و حاسس اني انا هو
وخيال ف عقلي يتمطع
اقوم اجري اشوف حالي
وايه زارني ومين جالي
وايه ف الحلم متلطع
ابص بعيني لقميصي
مش هو ال كان ف الحلم
ولا حتي دي ألوانه
راكب لضهر. شماعته
ولا فارق ساعه مكانه
ووحده وحيد ومتعلق
وزراره. بيبكي سكانه
ومحافظ لريحه عرقي
حضنها بشوقه وحنانه
بقاله سنين ف شماعته
واخد واجبه وليه امان و
رجعت لنومي واكمل
وبلاش اسرح وأتأمل
واحاول تاني او اغفل
وكل ما عيني تيجي تقفل
يشاورلي. رافع كمه
وزرايره شايفها بترغرغ
اقوله خير واروح اضمه
سامع تمتمته بيدغدغ
وقول مالك!
ماتسيبني انام واسرح
وما تنكش ف الماضي
معاك ليا كلام بعدين
ف يوم انت تكون فاضي
وها تعرف ليه ما بينا فراق
ودي الايام و ده العادي
يطيب خاطرك وتعذرني
وها تبقي بالكلام راضي
بغرق فيك بقيت واسع
ونسيت اني بقيت نصي
صبح بينا فراغ شاسع
وانا فاكرك ومش منسي
ومش عايز ف يوم تفهم
عارف وحشك ريحه انسي
وغاب فكرك بقيت لاسع
حبيبي انت ورومانسي
لكن انت ساكن بالي
لكن جري الزمن بينا
والوانك مش مناسبالي
وبتجيبنا وتودينا
بقيت فاتح اوي لونك
وصوتك عالي مع تونك
وعاوز بيا تتعايق
ومش حاسس ان ده امبارح
وحالي اليوم مانيش رايق
والوانك ال بتلعلط
مليت ومنها مش طايق
اديني لقولي سمعتك
دبل عودي ومش لايق
ياريت خليك ف شماعتك
وكفايه تبقي قدامي
وسايب ذكريات حلوه
تيجي وبشوفها ف منامي
ياريت تفهم وده كلامي
........ سلام!!!
ليست هناك تعليقات:
إرسال تعليق